Applek iPad berria aurkeztu du, aurpegi ezagutza sistemarekin eta menu botoirik gabe

Apple konpainiak iPad modelo berria aurkeztu zuen atzo New Yorken egindako ekitaldian. iPad Pro berriak aurpegi ezagutza sistema du, iaiztik iPhone telefonoetan dagoen Face ID sistema bera; aitzitik, ez du menu botoirik izango (aurreko modeloetan pantailaren azpian zegoen).

Multinazionalak bi bertsio merkaturatuko ditu. Txikiak 28 zentimetroko pantaila izango du, aurreko modeloa baino bi zentimetro handiagoa, eta handiak, ostera, ia 33 zentimetrokoa.

iPhone berriekin egin bezala, Applek markoen lodiera nabarmen murriztu du eta audio konektore analogikoa ezabatu du.

iPad Pro berriak ezaugarri hauek ditu: A12X Bionic txipa, zortzi nukleoko CPUa, 1 TB gordetzeko tokia, hamar orduko autonomia duen bateria, 12 megapixeleko kamera eta lau bozgoragailu.