Twitter bigarren aldiz erori da astebete eskasean

Twitter sare sozialak konpondutzat jo ditu mundu osoan izan dituen akatsak, argazkiak kargatzeko edo mahaigaineko bertsioa behar bezala ikusteko arazoak ematen hasi eta ordubetera. "Gauzek normaltasunez funtzionatu behar dute dagoeneko. Eskerrik asko gurekin geratzeagatik!", idatzi du sare sozialak txio batean.

"Litekeena da Twitterreko zati batzuek ez funtzionatzea une honetan espero den bezala. Barne-aldaketa bat egin dugu, eta ustekabeko ondorioak izan ditu", onartu du sare sozialak lehenago, txio baten bidez.

DownDetector webguneak denbora errealean aztertzen ditu konpainia teknologiko nagusietan gertatzen diren gorabeherak, eta, horren arabera, 17:53 aldera hasi dira lehen arazoak Espainian, baina mundu osoko erabiltzaileei eragiten ari zaizkie.

Plataformaren erabiltzaileen hitzetan, akatsak daude ordenagailuaren bidez mahaigaineko bertsioan sartu, sarean argitaratutako estekak klikatu edo irudiak txiokatzeko.

Twitter bigarren aldiz erori da astebete eskasean, asteazkenean, martxoaren 1ean, Elon Musken sare sozialak akatsak izan baitziren jarraitzaileek profil batzuetara bidalitako mezu berriak ikusteko edo hasierako orria eguneratzeko.