Sare sozialak
Irlandak EBko isunik handiena ezarri dio Metari Facebooken pribatutasuna urratzeagatik
Agentziak | EITB Media
1.200 milioi euro ordaindu beharko ditu multinazionalak. Irlandako Datuen Babeserako Batzordeak, gainera, EBtik Estatu Batuetara erabiltzaileen datu pertsonalen transferentzia eteteko agindu dio.
1200 milioi eurokoa da zehapena.
Irlandak 1.200 milioi euroko isuna jarri dio Metari Facebook sare sozialeko erabiltzaileen pribatutasuna ez errespetatzeagatik. Gainera, Irlandako Datuen Babeserako Batzordeak Europar Batasunetik Ameriketako Estatu Batuetara erabiltzaileen datu pertsonalen transferentzia eteteko agindu dio multinazionalari.
Isuna EBn multinazional bati datuen babesarekin lotutako arau-hausteengatik jarri zaion zehapen ekonomiko handiena da, 2021ean Amazoni jarritakoaren ostean (746 milioi eurokoa).
Mark Zuckerbergen teknologikoak bost hilabeteko epea du eskakizuna betetzeko.