SARE SOZIALAK
Twitterrek, Elon Musken sareak, X.com domeinura migratu du erabat
AGENTZIAK | EITB MEDIA
Joan den uztailean Twitterreko logoa X-era aldatu bazen ere, Twitter.com izaten jarraitu du gaur arte.
Sare sozialaren logoa. Argazkia: X.com.
X sare sozialak (lehen Twitter zena) X.com domeinura migratu du erabat, Elon Musk jabeak argitalpen batean baieztatu duenez.
Joan den uztailean Twitterreko logoa X-era aldatu bazen ere, Twitter.com izaten jarraitu du gaur arte.
"Sistema zentral guztiak X.com-era pasatu dira", adierazi du Muskek X-n.
All core systems are now on https://t.co/bOUOek5Cvy pic.twitter.com/cwWu3h2vzr
— Elon Musk (@elonmusk) May 17, 2024
Muskek adierazi du X makro aplikazio batera hedatzea duela helburu, bideo-deiak, jokoak, berriak, online erreserbak eta beste zerbitzu batzuk konbinatu ditzan.
Europako erregulatzaileak X ikertzen ari dira, beste sare batzuk bezala, desinformazioari egin diezaioketen ekarpenagatik.