14:24 Egiaztatu zure zenbakiak saririk duen 2017ko Gabonetako Loteriaren bilatzailean.

13:25 Amaitu da Gabonetako loteriaren zozketa. Zorionak, saria egokitu zaizuenoi; gainerakoei, osasuna!

13:23 BIDEOA: Aya Ben umeak zutik jarri du Eguberrietako zozketaren publikoa

13:21 Zozketaren azken alanbreari ekingo diote. Sari nagusi guztiak atera dira jada.

13:17 Atera da bigarren eta azken laugarren saria: 61.207. Candas herrian (Asturias) saldu dute oso-osorik.

13:13 Zure zenbakiak saria ote duen jakiteko, sartu jokatutako kopurua eta zenbakia gure bilatzailean.

13:09 Sari nagusia egokitu zaiela ospatu dute Madrilgo 'Doña Manolita' loteria saltokian. Argazkia: EFE

13:05 Laugarren sari hau Castellora, Kordobara eta Pontevedrara joan da. Euskal Herrian, ezer ere ez.

13:03 Eta azkenean... laugarren sari bat: 13.378. Serieko 200.000 euroko saria du.

12:54 AUDIOA. Euskadi Irratiak Amaia Galan Leioako Artea merkataritza guneko loteria saltokiko langilea elkarrizketa du. Horren hitzetan, "lagunen artean" banatu dute 51.244 bigarren saria.

12:51 Zortzian amaitutako zenbakia baduzu, jakin gastatutako dirua itzuliko dizutela:

12:39 Izugarri banatua dago azken bosgarren sari hau. Zerrenda luze-luzea da, eta tartean euskal herriak daude: Donostia (lau dezimo), Beasain, Errenteria, Astigarraga, Tutera, Los Arcos, Iruñea eta Sestao (dezimo bana).

12:32 Falta zen bosgarren saria atera da: 22.253

12:31 Yuseff Salhi eta Noelia Katiuska Medina umeek kantatu dute sari potoloa. Argazkia: EFE

12:24 Hiru ordu pasatxo daramatzate San Ildefonsoko umeek sariak kantatzen. Oraindik bi laugarren sari eta bosgarren bat falta dira.

12:21 Beste bosgarren sari bat atera da: 24.982. Castello de la Planan saldu dute oso-osorik.

12:13 BIDEOA: 71.198 zenbakia, Gabonetako sari potoloa

12:06 BIDEOA: 125.000 euro banatu ditu Iruñeko administrazio batek, bigarren sariarekin

11:56 Sari potoloa zenbaki honi egokitu zaio: 71.198

11:34 BIDEOA: Leioan saldu dute bigarren saria

11:27 Aya izeneko neskak ahoa bete hortz utzi du Madrilgo Real antzokia, sariak kantatzeko modu berezi du eta. Argazkia: EFE

11:23 Bosgarren sari hau, 580 zenbakiari egokitu zaiona, oso banatuta dago. Bilbon, Azcarreta eta Ormaechea administrazio ezagunetan, serie bana saldu dituzte.

Iruñean eta Cintruenigon dezimo bana banatu dute.

11:16 Bosgarren sari bat: 580.

11:09 Informatika enpresa batean, Getxoko Zugazarte etorbidean dagoen 4set izenekoan, jausi da bigarren sariaren 20 serie. 25 milioi euro banatuko dituzte langileen artean. "Denok genuen zerbait", kontatu du bertako langile batek.

Getxoko enpresa horretan 20 behargin daude, baina beste bost egoitza ditu konpainiak Gasteizen, Iruñean, Logroñon eta Madrilen. Guztira, 100 langile dira.

11:00 Sari potoloa oraindik ez da atera... Baina irten dira bigarren saria, hirugarrena eta bost bosgarren sari.

10:52 Iruñeko 15. administrazioak bosgarren sari baten, 3.278ren, 15 serie saldu ditu. Guztira, 900.000 euro banatu ditu Nafarroako hiriburuan.

Bilbon, Hurtado Amezaga kalean dagoen saltokiak zenbaki horretako serie bat banatu du.

10:41 Beste bosgarren sari hau, 3.278a, Bilbon eta Iruñean saldu dute, besteak beste.

10:37 Beste bosgarren sari bat: 3.278

10:26 Bigarren sariak, 51.244ak, zortea banatu du Euskal Herrian. Leioan, Artea merkataritza gunean, sari horretako 25 serie saldu dituzte.

Donostiara eta Gasteizera ere joan da sariaren zati bat. Donostiako 8. administrazioan (Narrika kalea) eta Gasteizko Navarro Villoslada kaleko saltokian dezimo bana saldu dute.

10:22 Lasai antzera dabil azken minutuetan zozketa. San Ildefonsoko bi neska, "mila euro" kantatzen behin eta berriz.

10:17 Gabonetako loteriaren bosgarren sarietako baten (58.808) zati bat Burlatan (Nafarroa) saldu dute, Aguas plazan dagoen saltokian. Bertako arduradunak ez daki zenbat diru banatu duen, baina "poz-pozik" dago.

Atarrabian ere zenbaki horretako dezimo bat saldu dute.

10:09 BIDEOA: 51.244, Gabonetako bigarren saria

10:01 Beste bi bosgarren sari atera dira ia segidan: 37.872 (Sevillan oso-osorik banatutakoa) eta 18.065 (Estatuko hainbat probintziatan saldua). Euskal Herrian ezer ere ez.

09:59 Bigarren saria oso banatuta dago. Besteak beste, Leioan, Gasteizen, Donostian eta Iruñean saldu dute.

09:57 Gabonetako loteriaren bigarren saria: 51.244

09:53 Beste bosgarren sari bat atera da: 5.431.

09:49 Lehen bosgarren sari hau, 58.808, oso banatua dago. Estatuko hainbat herritan saldu dute, baina baita Euskal Herrian ere. Zehazki, honako herrietan: Bilbo, Basauri, Donostia, Burlata eta Atarrabia.

09:43 Bosgarren sari bat irten da: 58.808.

09:42 Abenduaren 22 honetako zozketaren lehen irudiak. Argazkiak: EFE

09:39 Hirugarren saria, 6.914a, atera dela gogorarazten dizuegu. Horrela jaso dute kamerek unea. Argazkia: EiTB

09:36 Hiru alanbre kantatu dituzte umeek, sari bat tartean (6.914). Argazkia: EFE

09:30 400 pertsona bildu dira Madrilgo Real antzokian zozketa bertatik bertara jarraitzeko. Asko eta asko mozorrotuta joan dira. Argazkia: EFE

09:27 Hirugarren sariak, 6.914ak, serieko 500.000 euro banatuko ditu.

Zaragozan, Bartzelonan, Valentzian, Madrilen eta Alacanten saldu dute.

09:21 Hirugarren saria atera da: 6.914 zenbakiari egokitu zaio.

09:17 "Mila euro" behin eta berriz errepikatuta abiatu da zozketa. Breitlin eta Yenifer izeneko umeak ari dira kantari.

09:11 Hasi da zozketa!!!

09:07 Euskal herritarrok 76 eurona gastatzen ditugu, batez beste, Gabonetako loterian.

09:01 Zozketa hastear. Madrilgo irudiak zuzenean, streaming bidez, jarraitu ahal dituzu:

08:55 Dena prest da Madrilgo Real antzokian aurtengo Gabonetako loteriaren zozketa abiatzeko.

Ateak 08:00ak pasatxo zabaldu dituzte, eta 09:00ak inguruan abiatuko dute Eguberrietako zozketa.