13:27 -Bukatu da gaurko saioa. Auzitegiko presidenteak iragarri duenez, bihar 10:00etan berrekingo diote epaiketari

13:23 -Manuel Marchenak ez die eragozpenik jarriko epaiketara lazo horia eraman nahi dutenei, "ikur ideologiko" bat dela iritzita

Epaiketaren bigarren saioa

13:13 -Pedro Fernandez: "Ez dira oinarrizko eskubideak urratu"

13:08 -Pedro Fernandezen (VOX alderdiaren abokatua) agerraldia: defentsak emandako arrazoibideei entzungor egiteko eskatuko dio auzitegiari

Pedro Fernandezen (VOX) agerraldia

13:00 - "Berme guztiak dituen epaiketa penal baten aurrean gaude, ez dago besterik", adierazi du Estatuko abokatuak

12:59 -Seoane: "Cuixarti sedizioa egotzi diezaiokete"

12:30 -Estatuko abokatuaren adierazpenekin berrekin diote epaiketari

Rosa Maria Seoane, Estatuko abokatua

12:15 -Frantziakoak, Alemaniakoak edota Italiakoak ez bezala, "Espainiako Konstituzioak ez dio eztabaida politikoari mugarik ezartzen", hortaz, "ez dio inori ideologia bat uzteko eskatzen, betiere, modu baketsuan defendatzen badu"

'Proces' epaiketako epaileak. Argazkia: EFE

12:09 -Cadenak esan duenez, 'proces' auzia ez doa ideologia independentistaren aurka. Are, "aurreikusitako plana" izan zela esan du, "giza harresien bidez eta Esquadra Mossoak matxinatuen alde jarrita" gauzatu zena

Epaiketaren bigarren saioa. Argazkia: EFE

11:51 -30 minutuko atsedenaldia hartu dute epaiketan

11:47 -Santi Vila kontseilari ohiak beharrezkotzat jo du "politikariek bakeak egitea" eta Auzitegi Gorenak "irtenbide horretan parte hartzea, egoera larritu ez dadin"

Santi Vila, Auzitegi Gorenera heldu deneko unea. Argazkia: EFE

11:43 -Cadenaren esanetan, Kataluniako independentzia prozesua "abentura" izan zen

Epaiketaren bigarren saioa

11:10 - Fidel Cadena fiskala ari da orain hitz egiten

Fidel Cadena, epaiketaren bigarren saioan

11:09 -Javier Zaragoza fiskalak adierazi du urriaren 1ean Poliziak "bi pertsona soilik" zauritu zituela

10:48 -Jone Goirizelaiak, hurbiletik jarraituko du epaiketa

Jone Goirizelaia Auzitegi Gorenera iritsi deneko unea. Argazkia: EFE

10:35 - "Estatua akusatuen aulkian esertzeko ahaleginetan, akusaziozko libeloak planteatu izana" egotzi die Zaragozak auzipetuen abokatuei

10:31 -Fiskalaren arabera, "ez da harritzekoa bizikidetzaren oinarrizko arauak urratzen dituztenen aurrean Justiziak neurriak hartzea", batez ere, "kontuan hartuta, ordena konstituzionalari eraso egiten dioten ekintza oso larriak buru dituztela"

Epaiketaren bigarren saioa

10:28 -"Inork ez du bere ideiak zabaltzeagatik jazarpenik jasan", esan du fiskalak atzoko saioan 12 auzipetuen defentsak emandako arrazoibideen harira

10:23 -Javier Zaragoza epaileak esan du "Espainiako demokraziaren eta ordena konstituzionalaren aldeko epaiketa" dela, eta ohartarazi du inor ez dagoela legearen gainetik. Beraz, "legea urratzeak zigorra izan behar du".

10:16 -Javier Zaragoza eta Fidel Cadena fiskalek hitz egingo dute saioaren hasieran. Ondoren, Estatuko Abokatutzaren eta Vox alderdiaren txanda izango da

Javier Zaragoza fiskala

10:13 -10:00ak jota hasi da epaiketaren bigarren saioa Auzitegi Gorenean. Fiskala izan da hitza hartzen lehena. Atzoko saioan defentsak emandako arrazoibideei erantzuten ari da 

Auzitegi Gorenaren kanpoaldea. Argazkia: EFE

09:57 -Hasi da 'proces' epaiketaren bigarren saioa. Ikusi zuzenean eitb.eus-en

09:44 -Iritsi dira Auzitegi Gorenera Andreu Van Den Eyden, Oriol Junquerasen eta Raül Romevaren abokatua, eta Pau Molins, Santi Vilaren abokatua

Heldu dira Auzitegi Gorenera Andreu Van Den Eyden eta Pau Molins. Argazkia: EFE

09:39 - Epaiketaren bigarren saio honetan buruzagi independentisten aurkako akusazioen arrazoibideak entzungo ditu Auzitegi Gorenak. Atzo, aldiz, abokatuen txanda izan zen

Guardia Zibilen furgoia Auzitegi Gorenera iritsi deneko unea. Argazkia: EFE

09:23 - Epaiketaren lehenengo saioaren laburpena: Auzipetuen oinarrizko eskubideak urratu direla salatu dute defentsako abokatuek

'Proces' auziaren epaiketaren lehenengo saioa. Argazkia: EFE