Bideoa: Arazo gutxi Nafarroan, elurraren ondorioz

Bideoa: Elur gehiago espero da Araban datozen orduetan.

Goizeko lehen orduetatik eroritako elurteak arazoak sortzen jarraitzen du Nafarroako errepide sarean, baina A15 autobia zabalik dago bi noranzkoetan eta gidariei kontuz ibiltzeko eskatzen zaie.

Elurra han eta hemen iritsi da irudi hauek utzita:

Elur denboraleak eragotzi egin du Osasuna normaltasunez aritzea Taxoare belardian, zuriz estalita esnatu baita.

- Gipuzkoako Foru Aldundiak bertan behera utzi ditu larunbateko eskola kiroleko aire zabaleko ekitaldi guztiak.

- Errepideetako egoera: Errepide sare nagusia zabalik dago, baina elurra egiten ari da han eta hemen. Horregatik Eusko Jaurlaritzako Segurtasun Sailak arretaz gidatzea gomendatzen du, bereziki, AP-68an, Altuben; N-240an, Barazarren; N-1ean, Etzegaraten; A-1ean, A-15ean, N-622an eta N-240an.

- BIDEOA: Ibilgailuek kateak behar dituzte Opakuako mendatetik igarotzeko.

- BIDEOA: Kazkabarrak trafikoa zaildu du Donostia inguruan.

- Elurrari dagokion alerta laranja larunbatera arte egongo da indarrean: 10:00ak arte Euskal Autonomia Erkidegoan eta 12:00ak arte Nafarroan.

Euskal Autonomia Erkidegoan alerta laranja bertan behera gelditzen denean Euskalmetek abisu horia aktibatuko du Araban, eta Bizkaia eta Gipuzkoa barnealdean igande goizera arte, 10:00ak arte.

- Errepideetako egoera: Errepide sare nagusia zabalik dago, baina elurra ari du AP-68 autobidean (Bilbo-Gasteiz) eta Etzegaraten eta arretaz gidatzea gomendatu du Eusko Jaurlaritzako Segurtasun Sailak.

Bigarren mailako errepideei dagokienez, ibilgailu guztientzat itxita daude Herrera eta Urduña. Bestalde, ibilgailu astunek eta kamioiek ezin dute Belate, Gatzaga eta Opakuako mendateetatik igaro.

- A-15 errepidea zabaldu dute bi norabideetan, Berastegi eta Irurtzun artean, hainbat orduz elurragatik itxita egon ostean. Dena dela, oraindik trafikoa mantsoa da eta auto-ilarak daude.

- BIDEOA: Altubeko errepide zaharra, zurituta.

- Kamioiei N-121-A errepidetik igarotzea baimendu diete.

- Errepideetako egoera: A-15 errepidea itxi dute, elurragatik, eta kamioiek debekatuta dute N-121-A errepidea erabiltzea. Horrez gain, arretaz gidatzea gomendatzen da AP-68 autobidean, Altuben, eta N-240 errepidean Barazarren, eta, oro har, errepide sare osoan.

Bestalde, Herrerako eta Urduñako mendateak itxita daude ibilgailu guztientzat. Era berean, kamioiak ezin dira igaro Belate, Gatzaga edo Opakuatik.

Gainera, Nafarroan kateak erabili behar dira mendate hauetatik igarotzeko: Artesiaga, Egozkue eta Urkiaga.

- BIDEOA: Elurrak zuri utzi du Iruñeko Gaztelu plaza 

- BIDEOA: Elurra mara-mara goizaldean Iruñeko Alde Zaharrean 

- Errepideetako egoera: Goizeko lehen ordutik AP-8an, Usurbil parean, izan diren trafiko eragozpenak konpondu dira, Eusko Jaurlaritzako Segurtasun Sailaren arabera.

- BIDEOA: Elurra bueltan da Iruñean 

- ARGAZKIAK: Elurra Iruñean.

- BIDEOA: Kazkabarra Hernanin

- Errepideetako egoera: Errei bat itxita eta 6 kilometroko auto-ilarak AP-8 autobidean, Usurbilen, Donostiara bidean, hainbat ibilgailuren arteko istripuarengatik.

- Foruzaingoak N-121-A errepidea itxi du kamioientzat, Iruñerako noranzkoan. Gainera, ibilgailuak oso mantso dabiltza Belate eta Berrueta artean.

- Trafikoa: A-15 autobidea itxi dute, elurragatik. Halaber, Foru Erkidegoan bigarren mailako hiru portu itxita daude eta beste hirutan kateak behar dira.

Bigarren mailako errepide sarean itxita daude NA-137 (Burgi-Izaba), 47. kilometrotik aurrera (Belaguako mendatea, Juan Pito benta); NA-2012 (Otsagabia-Irati) 7,8. kilometrotik, eta Aralarko San Migelerako igoera, hasieratik.

Gainera, kateak erabili behar dira mendate hauetatik igarotzeko: Artesiaga, Egozkue eta Urkiaga.

- BIDEOA: Elurrarekin gidatzeko gomendioak

- Trafikoa: Kazkabar erauntsi batek hainbat ibilgailuren arteko istripua eragin du AP-8 autobidean, Usurbilen, eta auto-ilara luzeak sortu dira Donostiara bidean.

- Trafikoa: A-15 errepidea itxi dute, elurragatik.

- Euskalmet Euskal Meteorologia Agentziak eta Aemet Espainiakoak alerta laranja ezarri dute Euskal Autonomia Erkidegoko (EAE) barnealdean eta ia Nafarroan osoan. Alerta larunbat goizera arte egongo da indarrean (10:00ak arte EAEn, eta 06:00ak arte, Foru Erkidegoan).

Euskalmeten erregistroen arabera, 2013tik, lehen aldia da apirilean elurragatik alerta laranja ezartzen dena. 

- Arabako Foru Aldundiak bertan behera utzi ditu larunbateko eskola kiroleko ekitaldi guztiak, elur aurreikuspenak direla eta.

- Neguko Bidezaintza Plana aktibatu dute Euskadin, barnealdean elurra egin dezakeela eta.

- Bigarren mailako errepideetan, ostera, arretaz gidatzea aholkatzen da. Euskal Autonomia Erkidegoan, esaterako, Arlaban, Herrera eta Opakua itxita daude kamioientzat.

- Elurra egin du, esaterako, Gasteizen, Iruñean, Irurtzunen, Leitzan, Lekunberrin, Legution, Olaztin edo Urduñan.

- Euskal Herrian han-hemenka elurra egiten ari bada ere, oraingoz ez da aparteko gorabeherarik eragiten ari errepide sare nagusian. Horren erakusgarri, lehen mailako errepideak zabalik daudela, A-15a ere bai.