Amaitu dira EAEn nahiz Nafarroan indarrean ziren abisu guztiak:

BIDEOA | Ekaitz gogorrak igarota, atertzera egin du Iruñean.

BIDEOA: Euriteak Nafarroa osora zabaldu dira egunean zehar, nahiz eta arratsaldean baretzera egin duen.

BIDEOA | Dana denboraleagatik alertan daude Espainiako Estatuko erkidego guztiak, Kanaria uharteak eta Ceuta izan ezik

BIDEOA |  Denboraleak triskantza eragin du Oiongo mahastietan:

Goi geruzetako depresioak Nafarroan jo du gogorren, Aemeten arabera.

Nafarroako Gobernuaren estazio meteorologiko automatikoen behin-behineko datuen arabera, Iruñeko estazioek 145 litro ur jaso dute metro kuadroko, 24 orduan. Errekor historikoa 150 litrokoa da.

Burlatan, berritzen ari diren fatxada bat erori da, eta Deikaztelun, Vega jauregiko upategiko horma bat, Nafarroako Larrialdietako Irrati Boluntarioek txio honetan jaso dutenez:

Ostiral iluntzean hasitako goi geruzetako depresioak prezipitazio errekor batzuk utzi ditu 24 orduan Nafarroan. Ilundaingo estazioak metro koadroko 83,7 litro jaso zituen atzoko egun plubiometrikoan, urteko errekorra markatuz. Azken errekorra 1999ko irailaren 13an jaso zen,  80,5 litroak gaindituz.

Iruñean, metro koadroko 130 litro jaso dira atzotik, 1961eko uztailaren 24ko 115,5 litroak edo 1989ko abuztuaren 4ko eta 4ko 126,4 litroak gaindituz.

Antzeko erregistro bakarra dago historiko osoan, 1975eko urriaren 17ko eta 18ko 150 litroak dira.

Nafarroako beste hainbat estaziok ere 100 litro baino gehiago jaso dituzte atzotik. 15:00ak arte 136 litro zenbatu dituzte Olaben, 134 Etxaurin, 131 Zabaldikan, 121 Allotzen, 108 Ilundainen, 104 Aireportu/Berueten eta 101 Izaltzun

Marka guztiak hausten ari da euria Nafarroan: Ilundaingo estazioak 83,7 mm neurtu zituen atzoko egun plubiometrikoan, eta errekorra egin zuen 1999ko irailaren 13ko 80,5 mm-ak gaindituz. Beste estazio batzuek, Zubirikoak edo Zaraitzuko Espartzak, adibidez, hileko errekorra egin dute.

Etengabeko euriteen ondorioz, Iruñeko Igeriketa Klubeko pasabideak itxi egin dituzte, badaezpada. Prezipitazio historikoak izaten ari dira: ostiral iluntzetik gaurko 15:00etara arte  metro koadroko 130,2 litro jaso dira eta euria egiten jarraitzen du.

3 kilometroko auto-pilaketak daude A-8 errepidean, Mendaron, auto-istripu batengatik

Datozen orduetan euria egiten jarraituko du, baina arratsalde amaieran atertzera egingo du denean, Euskalmeten arabera.

BIDEOA | Euri-jasa bortitzek uholdeak eragin dituzte Donostiako Antigua auzoan

BIDEOA | Arazo ugari izan dira bart Nafarroan, euriteengatik

Iruñerrian, metro karratuko 100 eta 120 litro artean pilatu dira 24 ordu baino gutxiagoan, inoiz erregistratu den ur kopururik handienetako bat. 

Aemet Estatuko Meteorologia Agentziaren datuen arabera, ostiralean 62 litro erregistratu ziren Iruñean, bi ordu pasatxoan, "aurrekaririk gabeko" jarduera elektrikoarekin.

Lizarraldean eta Pirinioetan ere ur kantitate handia jasotzen ari dira. Zenbait estaziotan ekaina-uztaila-abuztua hiruhilekoan erregistratutako guztia baino gehiago erortzen ari da.

Aemetek aurreikusi duenez, oraindik ordu batzuk falta dira Foru Erkidego osoan prezipitazioak eteteko baina arratsalde erdi aldera egoera baretzen hasiko da.

Euria dela eta ura sartu da Donostiako lokal batean eta suhiltzaileak lanean ari dira:

Kontuz gidatzeko gomendatzen du SOS Deiak zerbitzuak

Menorcatik Hondarribira zetorren hegaldi bat Loiura bideratu behar izan dute.

Egoera konplikatua Gipuzkoako errepideetan, udako itzulera operazio betean, euriarengatik. Ur-putzu handiak sortu dira, euri jasa etengabeekin gidatzea zaila izateaz gain. Trafiko Sailak autoa ez hartzea gomendatzen du.

15 mm 10 minutuan Ordizian eta 27 mm ordubetean Zaldibian, goizeko euri-errekorrak Gipuzkoan

Suhiltzaileek esku hartu behar izan dute Iruñeko alde zaharrean, denboralearen ondorioz askatzen hasia zen balkoi batean fatxada egonkortzeko lanak egiteko.

BIDEOA | Ekaitz elektrikoa Mañerun

BIDEOA | 20.000 tximista baino gehiago izan dituzte bart Nafarroan

BIDEOA | Kazkabarra bart Noainen:

BIDEOA | Kazkabarra bart Noainen:

Dana Nafarroatik igarotzeak ez du gorabehera handirik utzi gauean Nafarroan, baina Aemetek alerta aktibatuta mantentzen du, goizean zehar 50/100 mm-ko prezipitazio pilaketak egon daitezkeelako.

Nafarroa erdialdean, Pirinioetan eta Erriberan alerta laranja dago, eta Kantauri isurialdean horia.

Ostiralean metro koadroko 60 litro pilatu ziren Iruñean, eta gauerdira arte 20.000 tximista baino gehiago izan ziren Foru Erkidegoan.

Nafarroako Gobernuko Larrialdi Zerbitzuak jaso dizuten dei gehienak etxeetan ura sartu izanagatik izan dira.

SOS Nafarroak ibilgailurik ez hartzeko gomendatu du, eta hartu behar izanez gero, arreta berezia eskatu du eurite handiak direla eta: "Kontu handiz ibili, batez ere tuneletako irteeretan eta aurreratzeetan, saihestu alferrikako joan-etorriak eta, bidaiatu behar baduzu, ahal dela bide nagusiak erabili".

Tximista bat Donostiako etxebizitza bat jotzen (@mikelgasca-ren bideoa)

Zuhaitz bat erori da Lizarran, ikastolako paretaren kontra:

Atzoko 18:00etatik argirik gabe daude Debako herriguneko beheko partean, Gudarien Plazan dagoen generadorean ura sartu zelako marea bizien ondorioz. 11:00etarako konpontzea espero dute agintariek.

Pasai Donibanen uholdeak izan ziren atzo. Bideoan, Camara Jatetxea atzo 19:00etan, iraileko marea biziak medio.

Gipuzkoako kostaldera iritsi dira ekaitzak

ARGAZKIAK | Denboralea Euskal Herrian

Gipuzkoan sartu berri dira zaparrak. Ataunen 7 litro pilatu dira 10 minutuan.

DANA bat sortu da Iberiar penintsularen gainean eta hori dela eta, abisu horia edo laranja ezarri dute larunbat honetarako autonomia erkidego guztietan, Kanariar Uharteetan izan ezik, Estatuko Meteorologia Agentziak (AEMET) jakinarazi duenez.

Zaparrada oso handiak eta haize indartsua izaten ari dira Araba ekialdean goizean goizetik:

Ekaitzek 20.000 tximista baino gehiago eragin dituzte ostiral iluntzetik gauerdira arte Nafarroakoa Foru Erkidegoan eta eremu mugakideetan eta euria egin du galanki, hainbat gunetan.

Estatuko Meteorologia Agentziak (Aemet) bere sare sozialetan azaldu duenez, 4.000 izpi inguru erori dira lurrera, eta prezipitazio pilaketei dagokienez, bi ordu pasatxoan 40 eta 66 mm artean erregistratu dira estazio batzuetan.

Prezipitazioek arazoak eragin dituzte hainbat eremutan, besteak beste, Iruñeko auzo batzuetan eta Udaltzaingoak esku-hartu behar izan du Milagrosa, Mendebaldea eta Arrotxapeko kaleetan trafikoa mozteko.