55.280 euro bildu ditu gaixotasun kardiobaskularren aldeko maratoiak. Hori behin-behineko datua baino ez da, zure laguntzarekin gehiago batuko dugu!!

Donostiako San Martin azokako maratoi musikalean, Golde Apple Quartet ari da orain. Urtz taldea izan da taularatzen lehena:

Hasita behar du Donostiako San Martin merkatuan maratoi musikalak. Besteak beste, Urtz, Sara Zozaya edota Janus Lesterren kontzertutxoak izango dira.

Aurpegi ezagun asko ikusi ditugu EITB Maratoiaren deigunean:

Eguerdiak jo du, eta kontagailuari erreparatu diogu berriro. Pitin bat baino ez zaigu geratzen 50.000 euroak erdiesteko!!!!

Ordubete eskas geratzen zaio Gasteizko maratoi musikalari. Horrela hasi du Kai Nakaik bere emanaldia:

Beste koska bat egin du gora ekarpenen kontagailuak: 44.475 euro batu ditugu!

Maratoi musikalak aurrera jarraitzen du Gasteizko hiri merkatuan. Bi ordu eskas barru, Donostiako San Martin merkatuak hartuko du lekukoa. Hauek dira aurreikusitako emanaldiak:

12:55-13:10 Urtz

13:20-13:35 Twin Melody

13:40-13:55 Golden Apple Quartet

14:05-14:20 Leize

14:30-14:45 Sara Zozaya

15:05-15:20 Alex Ubago

15:30-15:45 Janus Lester

15:55-16:10 Andoni Ollokiegi

16:20-16:35 Xabi Solano

16:45-17:00 Nogen

ETB-1eko "Egun On" saioan eritasun kardiobaskularra duten hiru protagonistarekin izan dira. Bere kasua kontatu du Aloña Erauskinek, "miraria" dela dio jaio eta berehala hilko zela aurreikusi baitzuten medikuek.

Egunak daramatzagu bihotzeko eta odol hodietako gaixoekin hitz egiten. Euskadi Irratian eritasun kardiobaskularra duten haur eta gazteekin izan ziren "Amarauna" saoian.

Potolotzen hasi zaigu zakua: 36.700 euro ditugu jada gaixotasun kardiobaskularrak ikertzeko.

Aurki, Gasteizko hiriko merkatuak Cristian Brownen flamenko urbanoen doinupean geratuko da, maratoi musikala tarteko.

09:00etan hasi dira kontzertuak, oso bestelako melodiekin:

Ehunka bideo jaso ditugu banakoen, taldeen eta erakundeen aldetik "Eskutitza" abestia kantatuz. Oraindik ez duzula egin? Animatu eta bidali zure bideoa.

Bermeotik (Bizkaia) jaso dugu azkenetarikoa:

Unai Iparragirre ETBko zuzendaria EITB Maratoiaren deigunean izan da, elkartasun egunari ekiteko. Nabarmendu duenez, euskal gizarteak "azken 24 urteotan erakutsi du prest dagoela laguntzeko, bere ekarpenekin eta bideoak bidalita".

25. maratoi honetan euren "ahalegintxoa" egiteko eskatu die, beste behin, herritarrei.

09:30era heldu ez garen honetan, badugu lehen bilketa datua: 32.500 euroko zakua dugu dagoneko.

Dohaintzak 900 840 750 doako telefonora deituta eta BIZUMen bidez (33478) egin daitezke.

Abian dena, era berean, maratoi musikala da. Gasteizko hiriko merkatuan izaten ari dira lehen emanaldiak. Lehen kontzertua Otxote Ausartak taldearen eskutik izan da.

eitb.eus-en jarraitu dezakezu zuzenean.

09:00etatik, zabalik dago dohaintzak jasotzeko prest dago 900 840 750 zenbakia. Telefonoaren bestaldean izango dira Euskal Herriko pertsona ezagunetako asko.

Iktusa ere gaixotasun kardiobaskularra da. EITB Patricia de la Riva medikuarekin izan da, urteak daramatza Iktusaren inguruko ikerketa eta entsegu klinikoetan parte hartzen.

Aurten bildutako dirua gaixotasun kardiobaskularrak ikertzeko erabiliko da. Bihotz zein odol-hodiei eragiten dieten eritasunak mundu osoko heriotzen % 32ren erantzule dira, Osasunaren Mundu Erakundearen (OME) arabera.

Egun on! Iritsi da egun seinalatua, EITBren egun solidarioa: EITB Maratoia. Minutuz minutu kontatuko dizugu hemen.