Igande euritsua
Elurragatik abisu horia ezarri dute biharko Euskadin
Erredakzioa
2015/03/21
Elur-kota 800 metroren bueltan egongo da. Igande honetarako giro goibela espero dugu, izan ere, euria egingo du lurralde osoan.
Elur-kota 800 metroren bueltan kokatuko da bihar Euskadin. Argazkia: EFE / Donostia
Eusko Jaurlaritzako Larrialdiei Aurre Egiteko eta Meteorologia Zuzendaritzak abisu horia ezarri du biharko Euskadin barnealdeko zonaldeetan elurteak izango direlakoan, 800 metrotik gora, hain zuzen ere.
Abisua 06:00etatik 18:00ak arte izango da indarrean. Elur-kotak behera egingo du goizaldetik, 1.500-1.600 metrotik 1.000 metrora goiza aldera. Eguerdian, berriz, 800-1.000 metrotan kokatuko da. Hala ere, iluntze aldera, 1.300-1.500 metrora igoko da berriro.
Igande honetarako prezipitazioak espero dira. Egunaren lehenengo partean prezipitazio handiak izango dira han-hemenka, eta arratsaldean, ordea, prezipitazio txikiagoak izango dira. Litekeena da mendi-zonaldeetan ekaitzak eta izotzaldi txikiak izatea. Bestalde, baliteke elur-geruzak 5 cm-ko lodiera izatea 1.000 metrotan.
Informazio gehiago (1)