Abisu horia ezarri dute Araban izotzagatik, bihar goizalderako

Eusko Jaurlaritzako Segurtasun Sailak abisu horia ezarri du Araban bihar goizalderako, izotza dela eta.

Metereologia eta Larrialdiei Aurre Egiteko Zuzendaritzak gaur gauerditik bihar goizeko 09:00ak arte mantenduko du abisua.

Horrez gain, itsasoko lehen bi miliatan nabigatzeko beste abisu bat ezarriko dute ordu tarte berean, 3,5 eta 4 metro arteko olatuak espero dituztelako.

Asteartean, Euskalmetek tenperatura minimoek gora egitea espero du, eta maximoek, berriz, behera egin dezakete apur bat.