Euskadin
Asteazkenera arte luzatu dute elurragatik ezarritako abisu horia
AGENTZIAK | ERREDAKZIOA
2018/02/06
Datozen egunetan elur-maila 200 metroren bueltan kokatuko da eta litekeena da beherago ere egitea elurra.
Elurra maila baxuan espero da datozen egunetarako. Argazkia: Lasarte-Oria / Jose Angel Hidalgo
Euskadiko barnealdean elurragatik ezarritako abisu horia asteazkenera arte luzatu dute, elur-mailak nabarmen behera egingo duelakoan.
Segurtasun Sailak jakitera eman duenez, asteartean elur-kota 200-400 metroan kokatuko da, eta prezipitazio txikiekin jarraituko dugu. Iparraldeko haizeak gogor joko du eta tenperaturak astelehenean baino pare bat gradu hotzagoak izango dira.
Asteazkenean, 100-300 metro inguruan egin dezake elurra. Zerua oso hodeitsu egongo da, eta zaparradak botako ditu, ugariagoak isurialde atlantikoan. Halaber, litekeena da tokian-tokian ekaitzak jotzea eta kazkabarra egitea. Iparraldeko haizeak gogor joko du kostaldean eta mendi inguruetan. Oro har, giro hotza izango da, eta tenperatura maximoak ozta-ozta iritsiko dira 3 ºC-ra barnealdean eta 6-7 ºC-ra kostaldean.
#AbisuHoria #elur-agatik gaur, bihar eta etzi. Aviso Amarillo por nieve para hoy, mañana y pasado. pic.twitter.com/jzQawMu6rI
— Euskalmet (@Euskalmet) 5 de febrero de 2018
Informazio gehiago (1)