Hego haizea eta tenperatura altuak astelehenean, Euskadin

100 km/h-ko abiadura gaindi lezaketen haize ufadak direla eta, abisu horia ezarri du Herrizaingo Sailak gaur eguerdiko ordu batak arte. Mendian eta kostaldean joko du zakarrago haizeak eta gainerako lekuetan 70-80 km/h haize boladak espero dituzte.

Hego haizeak tenperaturen gorakada eragin du. Bilbon 19ºC daude; 16ºC Donostian; 9ªC Gasteizen; eta 12ºC Iruñean.

Errepideen egoera

Kontuz ibiltzeko gomendioa luzatu du Herrizaingo Sailak errepidean elurra eta izotza dagoela eta.

Hain zuzen Nafarroako lau errepide itxita daude: Burgi-Isaba (Na137), Salazar-Frantzia (NA 2011), Lau Borda-Irati (NA 2012), eta Irurita-Eugi (NA 1740). Horrez gain, Sanpelayo-Areneko mendatea itxita dago Bizkaian.

Zirkulazioaren gorabehera guztiak jarraitzeko sakatu hemen.

Iragarpena

Euskalmeten iragarpenaren arabera, hegoaldeko haize zakarraren eraginpean jarraituko dugu. Haize-bolada indartsuenak kostaldean eta mendi inguruetan izango dira, baina arratsaldetik aurrera baretu egingo da. Goizean giro iluna izango dugu eta euria arina egingo du. Arratsaldean atertze aldera egingo du eta hodei geruza saretuz joango da. Tenperaturak, barnealdean nabarmen igoko dira.

Eguraldiak bere horretan mantenduko da asteartean: hegoaldeko haizea, hodei ugari, baina euri gutxi. Euria batez ere, barnealdean botako du, eta kostaldean zaparradak arinagoak izango dira. Arratsaldean haizeak indarra galduko du. Gaueko tenperaturek gora egingo dute.

Aldaketak izango ditugu asteazkenean. Haizea aldatu egingo da eta goizean hegoaldetik joko du, baina arratsaldetik aurrera iparraldera egingo du. Aurreko egunetan baino euri gehiago egingo du. Tenperaturak apur bat jaitsiko dira.