Eguraldiak hobera egingo du egunak aurrera egin ahala

Larunbata euri apur batekin hasi dugu. Euskalmeten arabera, lainotuta egongo da eta tarteka euri txikia egingo du, batez ere kantauri isurialdean eta goiz partean. Baina arratsalderako giroak hobera egingo du nabarmen. Arratsaldean ateri eutsiko dio eta ostarteak zabalduko dira; batez ere barnealdean. Tenperatura asko jaitsiko da eta 20 ºC-ren bueltan geratuko dira beroenak.

Igandean, goizak aurrera egin ahala eguraldiak hobera egingo du. Hala ere, goizaldean eta goizeko lehen orduetan zerua tarteka hodeitsu egongo da puntu batzuetan. Goizak aurrera egin ahala, hodeiak desegin eta zeruan urdina nagusituko da. Ekialdeko haizea ibiliko da. Tenperatura maximoek goranzko bidea hartuko dute eta 23-26 ºC artean kokatuko dira lurralde osoan.