Iragarpena
Abisu horia prezipitazio iraunkorrengatik igande arratsalde honetarako EAEn
AGENTZIAK | ERREDAKZIOA
2020/05/30
Abisua indarrean egongo da 15:00etatik 00:00ak arte. Ordubetean 15 litro metro karratu bakoitzeko pilatu daitezke EAEko zenbait puntutan.
Bilboko Zubi Zuri zubiaren irudietako bat. Argazkia: EFE
Eusko Jaurlaritzako Larrialdi eta Meteorologia Zuzendaritzak abisu horia ezarri du igande arratsalde honetarako EAEn, 15:00etatik aurrera, prezipitazio iraunkorrak izango direlakoan. Ordubetean 15 litro metro karratu bakoitzeko pilatu daitezke EAEko zenbait puntutan, Eusko Jaurlaritzako Segurtasun Sailak jakitera eman duenez.
Abisua indarrean egongo da 15:00etatik 00:00ak arte. Zaparrada ertainak eta trumoitsuak botako ditu; zenbait lekutan handiak izan daitezke, eta txingorra ere bota dezake. Ekaitz-guneetan haize-bolada gogorrak edo oso gogorrak espero dira.