Futbola
Osasunaren eta Brujasen arteko Konferentzia Ligako kanporaketa osoa, EITBn zuzenean
EITB Media
Gorritxoek belgikarren aurka jokatuko dituzten bi norgehiagokak EITBn izango dira ikusgai, ETB1en eta eitb.eus-en. Ostegun honetan bertan izango da ikusgai lehen partida, 20:30etik aurrera.
Futbola
EITBk zuzenean eskainiko ditu Osasunaren eta Brujasen arteko Konferentzia Ligako kanporaketako bi futbol partidak, ETB1en eta eitb.eus-en.
Nafarrek ostegun honetan bertan, abuztuaren 24an, hartuko dute Belgikako taldea Sadarren, 20:30ean hasiko den joaneko lehian.
Ondoren, astebete geroago, abuztuaren 31n, Belgikara bidaiatzea egokituko zaie itzulikoa jokatu eta txapelketako multzoen fasera sailkatzeko helburuarekin. Bigarren partida horri 20:00etan ekingo diote.