Durangoko Azoka
Kontzertu egitarau zabala Ahotsenean, abenduaren 5etik 8ra
Itziar Urdapilleta | Eitb.eus
Zuzeneko emanaldiak goizeko 11:00etan hasi eta 20:30ean amaituko dira.
Ahotsenea
Durangoko Azokako Ahotsenea guneak zuzeneko ugari hartuko ditu abenduaren 5etik 8ra, 11:00etatik 20:30era.
Lehenengo egunean, Andoni Egaña eta Xabier Zabala batu dituen Enkarguz proiektua aurkeztuko dute. Horrez gain, Oreka Ahula rock-hirukotea, Xatiro, Willis Drummond eta Sharone Stoner oñatiarrak izango dira taula gainean.
Ostiralean, berriz, Zea Mays eta La Basu arituko dira zuzenean jotzen, besteak beste. Larunbatean, abenduren 7an, ez da proposamenik faltako: HABI, Keu Agirretxea, Skakeitan eta beste zenbait euskal taldek girotuko dute Ahotseneako agertokia.
Azken egunean, Revolta Permanent taldeak disko berria taularatuko du. Aizkorak Zorroztu & The Mia Wallace bandak, bere aldetik, Ezpata Dantza lana aurkeztuko du.