Azaroaren 28an, Orion
Gure Bazterrak jaialdiak aurtengo egitaraua aurkeztu du
LUZIA ZUGADI | EITB.EUS
Joseba B. Lenoir Gang, El_Txef_A, Joe la Reina, Ghost Number & His Tipsy Gypsies eta Bi Bala arituko dira aurtengo edizioan.
Azaroaren 28an hartuko du Oriok Gure Bazterrak jaialdia. Oraindik ia hiru hilabete falta dira, beraz, aurtengo edizioa abiatzeko, baina antolatzaileak buru-belarri dabiltza festibala prestatzen.
Hori horrela, dagoeneko aurkeztu dute aurtengo kontzertuen egitaraua. 19:30 aldera hasiko dira zuzenekoak, eta Joseba B. Lenoir Gang, El_Txef_A, Joe la Reina, Ghost Number & His Tipsy Gypsies eta Bi Bala arituko dira han. Emanaldiak Karela kiroldegian izango dira.
Sarrerak
Dagoeneko eskuragarri daude sarrerak. Aurretiko salmentan 10 euroan eros daitezke; txarteldegian, berriz, 12 euroan egongo dira salgai.