Aste Santuan
Bilbo musikaz blai, Basque Fest 2016 jaialdiari esker
LUZIA ZUGADI | EITB.EUS
Martxoaren 23tik 27ra, hainbat doako kontzertu egongo dira Bizkaiko hiriburuan: Travllin' Brothers, Libe, Gose, Mamba Beat eta Las Tea Party disko-jartzaileak, kasu.
Kultur eskaintza zabala egongo da Bilbon Aste Santuan, hiriko elkarteek antolatuta. Hala, martxoaren 23tik 27ra, Basque Fest 2016: Basque Lands Festival jaialdiaz gozatzeko aukera izango dute oporrak etxean igarotzen dituztenek.
Aurtengo edizioan, lau eremutan banatuko dituzte ekitaldi nagusienak (ia guztiak, doakoak). "Sports" txokoan, herri kirolek hartuko dute lekua; "Kultura"n, artisau-azoka, umeentzako jarduerak eta txangoak antolatuko dituzte; "Gourmet"en, tailerrak eta tokiko sukaldaritza dastatzeko ekimenak prestatuko dituzte, eta "Musika"n, doako zuzenekoak egongo dira.
Hain zuzen ere, musika-hitzorduak asteazkenean abiatuko dira, Azkuna Zentroan Travellin' Brothersek emango duen kontzertuarekin, hain justo. Toki berean, Gontzal Mendibil eta Libe arituko dira, ostegunean. Gainera, ostiralean, The Great Barrier igoko da agertoki gainera, eta larunbatean, Mamba Beat. Bestalde, hilaren 24an, Gosek Bizkaiko hiriburuko Plaza Berria girotuko du.
Aipatutako artistek ez ezik, Las Tea Party Dj-ek, Mud Candiesek eta Educadosek hartuko dute parte.
EGITARAUA
Martxoak 23
20:00etan, Azkuna Zentroan
Travellin’ Brothers
Martxoak 24
12:00etan, Arenalean
BASQUEFEST PLAZA (Euskal musika)
12:00etan eta 17:00etan, Guggenheimen
Txalaparta Hutsa
13:00etan, Ledesma kalean
Leonen Orroak
19:00etan, Martzanan
Mimoloco (DJ set)
19:00etan, Plaza Berrian
Aiko (erromeria)
20:00etan, Azkuna Zentroan
Gontzal Mendibil
21:00etan, Plaza Berrian
Gose
22:00etan, Azkuna Zentroan
Libe
Martxoak 25
12:00etan, Arenalean
BASQUEFEST PLAZA (Euskal musika)
13:00etan eta 19:00etan, Ledesma Kalean
SDB (Sortuko Dira Besteak)
19:00etan, Plaza Berrian
Patxi Pérez
19:00etan, Martzanan
Las Tea Party Dj's (DJ set)
19:00etan, Pozasen
Kale animazioa (Leonen Orroak)
21:00etan, Plaza Berria
Euskal Folk Malandro & Co
21:00etan, Azkuna Zentroa
The Great Barrier
Martxoak 26
12:00etan, Arenalean
BASQUEFEST PLAZA (Euskal musika)
13:00etan, Ledesman
Otxote Lur Maitea
19:00etan, Plaza Berrian
Jaussi Meeting (erromeria)
19:00etan, Pozasen
Otxote Lur Maitea
19:00etan Villarías kalean
Txalaparty eta Ander&Bitx
21:00etan, Azkuna Zentroan
Mamba Beat
21:00etan, Bilborocken
Educados
22:30etan, Bilborocken
Mud Candies