Biba! Tour
Xabi Bandinik lau kontzertu iragarri ditu 'Biba!' diskoa aurkezteko
Lehen hitzordua Andoainen izango da, uztailaren 24an. Ondoren, Bergaran, Bilbon eta Gasteizen ere arituko da zuzenean.
Xabi Bandini
Xabi Bandinik Biba! diskoa aurkezteko bira abiatuko du aste honetan. Lehen kontzertua Andoainen eskainiko du ostiral honetan, uztailaren 24an, Ondarreta ikastetxeko patioan, 22:00etan.
Horrez gain, Bergarako Usondo parkea girotuko du abuztuaren 27an, Indai taldearekin batera. 22:30ean hasiko da zuzenekoa. Irailaren 17an, Bilboko Kafe Antzokian du hitzordua, Grises talde zestoarrarekin. Azkenik, eta Grisesekoen konpainian hor ere, Gasteizko Jimmy Jazzen taularatuko du Bandinik bere lana, urriaren 9an.