Biboteak, orrazkera berriak eta 'look' aldaketak: horrela hasiko dute ikasturtea gure 'celebrity'ek

Ikasturte berriari gogoz ekiteko indar bila, itxura aldaketa txiki bat egitearen aldekoak dira asko. Sare sozialetan ikusitako uda bukaerako publikazio koloretsuetan, hainbat look aldaketaz ohartu gara.

Tomas Lizarazu

Bulego taldeko kideak bibotearen aldeko apustua egin du uda honetan. Hala, Euskal Herriko festa eta jaialdi udatiarretan mustatxarekin ikusi dugu abeslaria.

Egunotan Finlandian dago Bulego taldea, Skakeitan eta IZAROrekin batera, Bite Basque Beat jaialdiaren bigarren edizioan parte hartzeko.

tam pe re !!!! pic.twitter.com/JI28j1rF4l

— BULEGO (@bulegotaldea) August 30, 2022

Klaudio Landa

Bigarren honek ere sudurpekoa utzi du uda honetan. Bere Instagram profilean ikusi dugunez, Bilboko Aste Nagusiko programazioaz gozatzen aritu izan da. Jaiak bertatik bertara bizitzeaz gain, 'Edozein Herriko' ETB1eko saioan ikusi dugu egunotan.

Utziko ote du bibotea 'Jateko Modukoa' saioaren denboraldi berrian?

Ainhoa Etxebarria

ETB1eko 'Zurekin Bat' saioko aurkezleak adatsa moztu du, hainbat urtez luze eraman ostean. Uda honetan, lanean ikusi dugu Gazteako esatari ohia, 'Sagastitarrak' obra Euskal Herriko antzokietan antzezten.

Etxebaren looka lortu nahi? Gerturatu Ondarroako Amaia "Pelukeixira".

Pello Reparaz

Orrazkera, kolore eta itxura aldaketetara ohituta dagoen arren, egindako azkenak erabat harritu gaitu: berde fosforitoz tindatu du ilea ZETAKeko abeslariak. Zertarako? Bomba Estereorekin elkarlanean egindako Zoriontasuna (La vida es de verdad) abestia estreinatzeko!

Iñigo Urkullu

Ikasturte politikoa berria eta itxura berria. Lehendakaria bizarra utzita agertu da publikoki, uda osteko lehen agerraldietan.

Gai politikoez gain, look aldaketarekin lortu nahi duenaz galdetu dio kazetari batek ikasturteko lehen Gobernu Kontseiluko prentsaurrekoan. Lehendakariak, baina, ez du gai pertsonalez hitz egin nahi izan, jarritako aurpegiak erantzun gisa balio duen arren.