Bengok estreinako diskoaren Bizirik bira iragarri du

Bengok urtarrilaren 20an aterako du Bizirik bere estreinako LPa, eta gaur ezagutu ditugu zuzenean emango dituen emanaldien datak.

Momentuz, 7 kontzertu eskainiko ditu; bakarra Donostian, Laudion, Durangon, Arrasaten eta Iruñean, eta bi, Bilbon. Abeslariak bere talde propioa izango du ondoan biran zehar, eta sarrerak salgai daude dagoeneko.

Bengok aurtengo Durangoko Azoka aurkeztu zuen Bizirik lana. Albumak 8 abesti bilduko ditu; horietatik 5, berriak dira, eta beste 3ak, "Hemengatxik" (Kilikirekin), "Sayek" eta "Bakarrik", berriz, singleak.

Aurreratu duenez, diskoan konpositore gazteak bere burua aurkituko du, pixkanaka-pixkanaka, loratu eta Bengoren bertsio berri hobe bat aurkitu arte.