Musika
Izarok ‘cerodenero’ izeneko diskoa aterako du, abenduaren 8an
B. F. | EITB Media
2023/09/04
‘Zero era’ren hasiera iragarri du Mallabiko artistak. Diskoaren aurkezpen bira urtarrilean hasiko da.
Izaro oholtzara bueltatuko da 2024an. Artistak berak sare sozialetan iragarri duenez, cerodenero izeneko disko berria aterako du abenduaren 8an.
'Zero era' deiturikoari ekiteko, diskoaren aurkezpen bira egingo du musikariak, urtarriletik aurrera. Izaroren disko berriko kantak zuzenean entzuteko lehen sarrerak eskuragarri daude dagoeneko, hemen.
disko berria abenduak 8 ¿cerodenero¿Introa, ZERO, entzun eta ikusgai plataforma digital guztietan.Aurkezpen bira urtarrilean hasiko dugu, sarrerak salgai gaur 11etatik aurrera.Aro berri bat.Bueltan naiz¿ pic.twitter.com/BLiujvd7tw
— Izaro Andres (@IzaroAndres) September 4, 2023
Limoien garaia alde batera utzita, bestelako unibertso batean murgilduko gaitu Mallabiko artistak.
Kolore hotzak, doinu elektronikoak eta hasiera berri bat aurkitu ditugu Izarok iragarri duen aro honetan. Datorrenaren lagin gisa, "zero" izeneko introa kaleratu du plataforma digitaletan.