Jaialdiak
Queens Of The Stone Age, Sheryl Crow eta Arde Bogotá, Azkena Rock Festivaleko lehen izenen artean
Agentziak | EITB Media
2023/11/06
Euskal taldeei dagokienez, PiLT, Brigade Loco, Txopet, Ezpalak eta Lendakaris Muertos konfirmatu dituzte dagoeneko. Jaialdia ekainaren 20tik 22ra egingo da, Gasteizen.
Azkena Rock Festivalek (ARF) iragarri ditu 2024ko edizioko lehen izenak, Queens Of The Stone Age eta Sheryl Crow kartelburuak nagusi direla. Jaialdia ekainaren 20tik 22ra egingo dute, Gasteizko Mendizabalan.
Aurrekoei gehitu zaizkie All Them Witches, Arde Bogotá, Glen Hansard, The Pleasure Fuckers, Ty Segall, St. Paul & The Broken Bones, Dea Matrona, The Detroit Cobras, Moonshine Wagon eta The Rain Parade.
Gurera etorrita, euskal eszenako hainbat izen bilduko ditu jaialdiak: PiLT, Brigade Loco, Txopet, Ezpalak eta Lendakaris Muertos.
Sarreren aurresalmenta azaroaren 7an irekiko da (10:00etan), eta 10ean itxi (ordu berean), 115 euroan, ARFen webgunean.
El rock esta de vuelta, Queens of the Stone Age, Sheryl Crow, Ty Segall, Arde Bogota,Glen Hansard y muchos más, son las primeras confirmaciones para lo que vendrá a ser una edición de lujo. Nos vemos en el #Azkenarockfestival los días 20,21 y 22 de juniohttps://t.co/j3xatwER5T pic.twitter.com/U4gDa6KWet
— Azkena Rock Festival (@AzkenaRockFest) November 6, 2023