Jaialdiak
Hatortxu Rockek agur esango du, azken bi edizioak iragarrita
B. F. | EITB Media
2024/06/11
Jaialdiaren neguko azken edizioa Atarrabian egingo dute, abenduaren 28an. Gero, 2025eko uztailaren 24tik 27ra, azken edizio berezia prestatu dute Lakuntzan.
Hatortxu Rocken kartela
Hatortxu Rocken 29. (abenduak 28, Atarrabian) eta 30. edizioak (uztailak 24-27, Lakuntzan) jaialdiaren azkenak izango dira, antolatzaileek jakitera eman dutenez.
Hatortxu Rock euskal presoen egoerari "elkartasunetik erantzun" eta haien auzia gizarteratzeko helburuarekin jaio zein. "Helburu genuen dispertsioaren amaiera lortuta baina haien etxerako bidean egiteke dagoenaz jakitun, erarik onenean eman nahi diogu amaiera", azaldu dute antolatzaileek.
Hala, Hatortxu Rocken azken aurreko edizioa abenduaren 28an ospatuko da, Atarrabian, neguko ohiko formatuan. 30.ena eta azkena 2025eko uztailaren 24tik 27ra egingo dute, Lakuntzan, lau eguneko programazio bereziarekin.
#AgurHatortxu ¿¿¿¿¿ Hatortxu Rock musika eta elkartasun jaialdia bere amaierara heldu da.Info guztia ¿¿ https://t.co/12szgqV6HC¿ Atarrabia | 2024-12-28¿ Lakuntza | 2025-07-24tik 27ra¿ BI EDIOZIOTARAKO 3000 BONO SALGAI!¿ https://t.co/J52p25JtuM pic.twitter.com/HljfSWRLdU
— Hatortxu Rock (@Hatortxurock) June 11, 2024
Sarrerak
Hatortxu Rockek zita bikoitzerako bono berezi batzuk jarri ditu salgai.
Gaurtik aurrera Hatortxu 29 eta Hatortxu 30eko bono bateratua eskuratu daiteke, 94 euroren truke. Eskaintza berezi honetan, 3.000 bono baino ez dira jarriko salgai.