Melenas: “Orainaren eta denboraren garrantziari buruz hitz egiten dugu disko honetan”

Melenas taldeko Oihanak bandaren Ahora diskoa aurkeztu digu "B Aldea"n. Iruñeko musikarien estudioko hirugarren lana da irailean plazaratu berri dutena.

2017an hasi zuten euren ibilbidea, eta, ordutik, ez dute gelditzeko asmorik erakutsi. Euskal Herriaz gain, nazioarteko hamaika oholtzatan ikusi ditugu.

Bideak emandako eskarmentutik dator Ahora, duela bi urte grabatu zuten LPa.

Denboraren eta oraina bizitzearen garrantzia da diskoaren muina, Oihanak berak azaldu duenez. Hortik 'Ahora', diskoaren izena eta albumeko lehen kanta.