Elkarrizketa
‘Hau dena’: Katakraken hamar urteak, artefaktu bakarrean
Hedoi Etxartek Katakraken disko bikoitzean aurkituko duguna izan du hizpide.
Your browser doesn’t support HTML5 audio
Katakrak liburu dendako Hedoi Etxarte "B Aldea"n izan da, aurki kaleratuko duten Hau dena izeneko bilduma hizpide. Binilo bikoitza, argazkiz osatutako liburuxka eta poster bat aurkituko ditugu aipatutako artefaktuan.
Katakraken hamargarren urteurrenaren aitzakian sortu dute lana; 87 musikari (Broken Brothers Brass Band, J Martina, Ibil Bedi, Chill Mafia, Fermin Muguruza, Mursego…), 7 ikus-entzunezko artista eta hainbat laguntzaileren lanaz baliatuta.
Izaeraz eta arimaz liburu denda den arren, argitaletxea, kantina eta erabilera anitzeko espazioa da Katakrak. Gainera, musika estudio funtzioa egin du Hau denaren grabaketan.