Zaramaren "Iñaki", lokanta garaikide bihurtuta, Zubizubiren eskutik

Peio Zubizarretak Zubizubi proiektua aurkeztu digu "B Aldea"n.

Bere proposamena definitu beharko balu, horrela egingo luke: "Remixak egiten ditut, baina saiatzen naiz kanta nireganatzen, beti abestiaren esentzia mantenduz".

Sampleen bitartez sortzen du musika, kanta originalak bere egiteko prozesuan. Autodidakta da Zubizubi, eta Youtubeko tutorialez eta inguruko lagunen jakintzaz baliatu da azken bere unibertso musikala sortzeko.

Entzuten duen musikaz galdetuta, Fred again artista aipatu du erreferente nagusi gisa. Izan ere, ekoizle ezagunaren Actual Life diskoaren antzeko zerbait egiteko asmoa du: bere egunerokotasuneko soinuak, ahotsak eta baliabideak erabilita sortutako bilduma osatzea.

Umetan, aitak lokartzeko jartzen zion kantaren remixa aurkeztu digu: Zaramaren "Iñaki".