DIDA
Dirurik gabe gelditzea eta kakalarria: juergetako larrialdi egoeretarako irtenbideak
Ez dira 112ra deitzeko besteko arrazoiak, baina momentuan bertan burukomin pixka bat eman dezakete. Estualdi egoerei aurre egiteko erremedioei buruz aritu dira juergazaleak gaurko saioan.
Your browser doesn’t support HTML5 audio
Ligatzeko metodoak, juerga santua, juergako profilen testa... era guztietako kontuei buruz jardun dute Malenek eta Aitziberrek "Dida!"n orain arte.
Baina, dena kontatutakoa bezain polita al da? Ez horixe! Zenbat estutasun egoera bizi izan dituzu parrandan? Zenbatetan eutsi diozu bazkariko babarrunek sortutako haizetxoari? Gertatu zaizu komunera joan eta papelik ez egotea?
Ziurrenik juergazaleek kontatuko estualdi guztiak egingo zaizkizu ezagunak, baina ez ordea horiei aurre egiteko proposatutako erremedio xelebreak.
Gainera, meloi berri bat ere zabaldu dute gure juergazaleek: nagusiena sentitzea parrandetan.