Elkarrizketa
Euskoprincessen ‘star system’ean murgildu gara, "MONEY QUEUE"ren bitartez
Artista hernaniarra “GU”n izan da, “MONEY QUEUE” izeneko aurrerapen abesti berria aurkezten.
Your browser doesn’t support HTML5 audio
Duela urtebete Lehendakari aurkeztu ostean, Euskoprincessen bisita jaso dugu berriz "GU"n. Oraingo honetan MONEY QUEUE ekarri dugu, bere mixtapeko lehen aurrerapena.
23 urteko artista hernaniarra une gozoan dago, laster aurkeztuko baitu "Hollywood Star System", bere estreinako mixtapea. Bertan aurkituko dugunaz galdetuta, regetoiarekin eta denbowarekin esperimentatzen aritu dela kontatu digu Euskoprincessek.
"Hollywood Star System" sortzeko orduan hainbat artistekin inguratu da musikaria. Dagoeneko aurreratu duenez, Chill Mafiako kideekin eta Ben Yart musikari nafarrarekin egin ditu elkarlanak. Gainera, ekainaren 17an, La Zowirekin kartela elkarbanatuko du Donostiako Dabadaba aretoan.