Elkarrizketa
Bulego: “Diskoaren motibazioa aitatasuna izan da, baina edozein aldaketak eragiten duen grinari buruzkoa da”
B. F. | Gaztea
Bulegoren disko berriko lehen singlea zuzenean estreinatu dugu "Gu"n, Tom eta Xabi taldekideekin.
Your browser doesn’t support HTML5 audio
Bulego taldeko Tom eta Xabik "Zure Begi Horiek" izeneko singlea aurkeztu digute "Gu"n, Aldatu Aurretik disko berriko lehen aurrerapena.
Eta hortik abiatu dugu elkarrizketa: zer aurkituko dugu taldearen album berrian?
Ba, Tomek azaldu digunez, aldaketa baten aurrean sentitzen ditugun ezinegon eta grinen bilduma.
Taldeko abeslari eta letragilearen kasuan, aitatasunak eragin dio bere bizitzako aldaketarik handiena: "Niretzat diskoaren motibazioa aitatasuna izan da, baina edozein aldaketak eragiten duen grinari buruzko lana da".
Gainera, Aldatu Aurretikekin orain arte lortu gabeko zerbait egin dutela kontatu digute: disko kontzeptuala sortzea. Hau da, kanta bakoitzak zentzu, kolore eta izaera propioa duen arren, badago denak lotzen dituen hari ikusezin bat; aldaketarena, hain zuzen ere.
Udako bira eta atsedena
Aurtengo udan hamaika kontzertu eman ditu Bulegok, Euskal Herrian zein gure mugetatik kanpo. Harrera paregabea izan da, eta berotasuna sentitu duten arren, presioa eta beldurrak ere areagotzen joan zaizkie.
Taldearen bilakaerak ere eman die nolabaiteko bertigoa: "Oso eroa izaten ari da, hiru urte daramazkigu proiektu honekin eta gauza asko bizi izan ditugu denbora gutxian".
Erritmo frenetiko horren baitan, babesarekin eta bidearekin eskertuta daude taldekideak, baita atsedena hartzeko beharra somatzen hasiak ere. Hala, diskoa aurkeztu eta jendaurrean jo ostean, erlaxatzeko tartea hartuko dutela aurreratu digute.
El que va passar ahir a @BarraquesSitges és indescriptible. Agrupar el talent de @bulegotaldea, la festivitat de @buhosoficial i el ritme d’@EnTolSarmiento…brutal!
— Arnau Ferrer (@ArnauFerrer22) August 21, 2023
Eskerrik asko Tomás eta Íñigo gurekin berriketan eta momentu ahaztezin bat partekatzera pasatzeagatik
¿¿¿ pic.twitter.com/URncUXEkG4