“Munduko talderik arrakastatsuena garela sentitzen dugu institutuko bost lagunek hemen jarraitzen dugulako”

Guda Dantza taldeko Alain eta Iker "Gu"n izan dira, "zenbat aldatu den dena" single berria aurkezten.

Duela hamabi urte eman zituen Guda Dantzak bere lehen urratsak. Hamabi urte pasata, "munduko talderik arrakastatsuena" direla sentitzen dute, hastapenetan zeuden bost nerabeek aurrera egin eta elkarrekin haztea lortu baitute.

Kanta bat sortzeko unean, bi filtro jartzen dituzte aurretik: doinua dantzagarria ote den eta zuzenekoan defendatzeko gai izango ote diren.

"zenbat aldatu den dena" singlean 30en krisiaren inguruan hausnartu dute. Nostalgiatik eta beldur apur batekin begiratzen diote bizitzaren etapa berri honi.