Musika
Aitor Majadak “Si Antes Te Hubiera Conocido”ren euskarazko bertsioa kantatu digu, primizian
TikToken bertsioak egiteagatik egin da ezagun Aitor Majada errenteriarra. Denboraldi hasierako oparia ekarri du "GU"ra.
Your browser doesn’t support HTML5 audio
Aitor Majada (@aitormajada) artista gaztea ezagutu dugu "GU"n. Duela urtebete inguru hasi zen coverrak grabatu eta TikToken partekatzen, eta dagoeneko ia bi mila jarraitzaile eskuratu ditu.
Musika propioa duen arren, sareetarako besteen bertsioak egitea gustuko duela azaldu digu 26 urteko gazte errenteriarrak.
Kantak jatorrizko hizkuntzan abesteaz gain, euskarazko bertsioak ere egiten ditu Aitorrek. Tartean, Nena Daconteren "En qué estrella estará" edota Aitanaren "Akureyri" euskaraz entzun ditugu musikariaren profilean.
Denboraldi hasierako opari berezia egin digu Aitor Majadak: Karol Gren "Si antes te hubiera conocido" kantaren euskarazko bertsioa abestu digu, primizian.