A5
EH Bilduk otsailaren 28an bukatuko du hautagaitzak aukeratzeko barne prozesua
Agentziak | Erredakzioa
Berez prozedura martxoaren 9an amaitu behar zuen, baina Urkulluk hauteskundeak aurreratu dituenez, datak aldatzea erabaki du koalizio abertzaleak.
Iriarte, erdian, EH Bilduko bi legebiltzarkideren artean. Artxiboko argazkia: EFE
EH Bilduk aldatu egin ditu apirilaren 5erako EAEko hauteskundeetarako hautagaitzak aukeratzeko barne prozesuaren datak, eta otsailaren 28an bukatuko du, hautagaiak izendatuta. Berez, martxoaren 9an amaitu behar zuen prozesu guztia, baina Urkulluk bozak aurreratu dituenez, hura ere aurreratzea erabaki du koalizio abertzaleak.
Horrenbestez, epeak horrela geratu dira: otsailaren 12tik 16ra hautagaitzak aurkeztu ahalko dira, eta hilaren 24tik 25era kaleratuko dituzte. Hilaren 26an eta 27an eman ahalko da botoa (sistema telematikoa erabiliz edo aurrez aurre). Horrela, hautagaitzak otsailaren 28an egingo dira publiko. Zerrendak Hauteskunde Batzordean aurkezteko epea otsailaren 26tik martxoaren 2rakoa da.