U12
Udako giroa baina ezegonkortasun pixka bat U12ko hauteskunde-egunean
EITB.EUS
Ezegonkortasunak hodei trinkoak sortzea eragingo du, eta zaparrada trumoitsuak bota ditzake, batez ere egunaren hasieran eta amaieran eta barnealdean.
Irimo mendia (Urretxu eta Zumarraga). Argazkia: J. Alberto Martin
Datorren igandean, uztailak 12, EAEko hauteskunde autonomikoetan botoa ematera joaten direnek udako giroa baina ezegonkortasun pixka bat izango dute.
'Eguraldia ETB'tik jasotako informazioaren arabera, lainoa nagusituko da goizeko lehen orduetan eta zeruan hodei aldakorrak izango dira. Hala ere, ezegonkortasunak hodei trinkoak sortzea eragingo du, eta zaparrada trumoitsuak bota ditzake, batez ere egunaren hasieran eta amaieran eta barnealdean.
Ekialdetik eta hego-ekialdetik joko du haizeak goizean, eta ipar-ekialdetik arratsaldean. Tenperaturari dagokionez, udako tenperaturak izango dira hiru lurraldeetan: 25 graduko maximoak eta 16 graduko minimoak izango dira Bilbon, 24 graduko maximoak eta 15 graduko minimoak Donostian eta 28 graduko maximoak eta 13 graduko minimoak Gasteizen.