Baliogabetze dekretua
Lehendakariak hauteskundeak aurreratzeko dekretua sinatu du
Erredakzioa
Patxi Lopezek urriaren 21ean hauteskunde autonomikoak egiteko deialdia sinatu du. Bihar azalduko da Euskal Herriko Agintaritzaren Aldizkarian.
Patxi Lopez lehendakaria baliogabetze dekretua sinatzen. Argazkia: Irekia
Patxi Lopez lehendakariak astelehen honetan Legebiltzarra baliogabetzen duen eta urriaren 21erako hauteskunde autonomikoakdeitzeko dekretua sinatu du. Bihar azalduko da Euskal Herriko Agintaritzaren Aldizkarian.
Lehengo asteartean hauteskundeak aurreratzeko iragarpena egin ostean, lehendakariak hori eraginkorrak egingo duen dekretua sinatu du. Legebiltzarra baliogabetzeko eta hauteskundeen deialdia, 12/2012 dekretua, bihar argitaratuko dute Euskal Herriko Agintaritzaren Aldizkarian, eta une horretan sartuko da indarrean.
Patxi Lopezek dekretua gaur arratsaldean sinatu du Lehendakaritzan, horretarako legebiltzarkide luma erabili du. Hori bihar argitaratzean 2012ko urriaren 21erako hauteskunde autonomikoak deituta geratuko dira, eta Legebiltzarra bertan behera geratuko da. Hauteskunde kanpaina, 5/1990 Legeak jasotzen duen moduan, 15 egunekoa izango da; urriaren 5aren eta 19aren artean.