Hauteskundeak
30 udaletako herritarrek alkatea aukeratuko dute bihar
Agentziak | Erredakzioa
Hiru hautestontzi eta hiru boto-txartel izango dituzte: zuriak diputatuak aukeratzeko, izokin-kolorekoak senatariak hautatzeko eta moreak alkateak aukeratzeko.
Nafarroa, Burgos eta Gipuzkoako 30 udalerritan bi hauteskunde izango dituzte bihar: hauteskunde orokorrak eta udal hauteskundeak. Maiatzeko udal-hauteskundeetan ez zuten alkaterik aukeratzerik izan, hautagairik aurkeztu ez zelako.
Herritar hauen herrietan hiru hautestontzi eta beste hainbeste boto-txartel izango dituzte: zuriak diputatuak aukeratzeko, izokin-kolorekoak senatariak hautatzeko eta moreak alkateak eta zinegotziak aukeratzeko.
Udal-hauteskundeak izango dituzten herri gehienak Nafarroan daude; 30etik 24. Urtero gertatzen da egoera hau Nafarroan eta hainbat herri txikitan ez da udal-gobernurik osatzen, hauteskundeetara ez baita hautagairik aurkezten. Egoera berean daude Burgosen eta Gipuzkoan. Gainera, hauteskundeak izango dituzte udalerriak baino txikiagoak diren 113 lurralde erakundetan: Gaztea eta Leonen, Leonen, Palentzian, Sorian, Segovian, Lleidan eta Huescan, hain justu.
Hauteskunde hauetarako boto-txartela berdea izango da. Hauteskunde legearen arabera, hautagairik ez badago, hauteskundeak errepikatu behar dira sei hilabetera. Oraingoan ere hautagairik ez balego, erkidegoko gobernuak hartuko du erakunde horien kudeaketa.