Negoziazioa
Mas ERCri zuzendu zaio gobernu 'indartsua' osatzeko nahian
Erredakzioa
Koalizio gobernua baztertuta, "ahalik eta egonkortasun handiena duen formula" bilatzearen alde egin du, "Ongizate estatua eta kontsulta bermatzeko".
Hauteskundeak aurreratzeagatik damurik ez duela esan du Artur Masek. Efe.
Artur Mas generalitateko jarduneko presidente eta hautagaiak gobernu "indartsua" osatzeko proposamena berretsi dio ERCri. Gobernu horrek legegintzaldi berria kontsulta egingo duela bermatu eta krisia gainditzeko zein politika Ongizate Estatua indartzeko.
Prentsaurrekoan adierazitakoaren arabera, aukerarik onena ERCrekin koalizioan gobernatzea izango litzateke, bi alderdiak Ongizatearen alde eta kontsulta egitearen alde daudelako. Hala ere koalizioa posiblea ez dela onartu du, eta, horren ordez, "egonkortasun handiena ematen duen formula batean lan egitea" proposatu du.
"Bestela, ez da gobernu indartsurik ez seriorik izango, eta Kataluniak ezin izango du krisia gainditu, Ongizate estatua indartu eta kontsulta bermatu", azaldu du.
Bilera ERCrekin
Jarduneko presidenteak ERCk aurreko eguneko bileraren ostean esandakoei erantzun die, eta bilera horretan Oriol Junquerasek autodeterminazio kontsulta 2013an egin behar zenik aipatu ere ez zuela egin esan du.
CiUk kontsulta hori legegintzaldi berrian egiteko duen konpromisoa berretsi du Artur Masek, eta horrek Parlamentua osatzeko premia sortzen du. Masek ez du, ondorioz, data zehatzik aipatu: "Gauza bat da azkar joatea, eta, bestea, gauzak edozein moduan egitea".
Damurik ez
Bestalde, hauteskundeak aurreratzeko erabakiaz damurik ez duela azpimarratu du CiUko liderrak, hori baitzen, bere ustez, erabakirik egokiena.