Halloween gaua
'Pailazo hiltzaile' batek 13 urteko neskato batzuk izutu ditu Iruñean
Agentziak | Erredakzioa
Adingabeek Udaltzaingoari deitu diote, pailazoak plastikozko aizto batekin beldurrarazi dituela eta.
Emakume bat, 'pailazo hiltzaile' baten mozorroari begira. EFE
AEBko azken modaren jarraitzaileak izan dira aurten Iruñean, Halloween gauean. Izan ere, Udaltzaingoa 13 urteko neskato batzuk laguntzera joan behar izan zen astelehen arratsaldean, 'pailazo hiltzaile' batek izututa zituela eta.
Nonbait, pailazoak plastikozko aizto bat zeraman, eta neskatoak beldurtzen ibili zen Alde Zaharrean. Azkenean, izututa, Udaltzaingoari deitu zioten, eta agenteek gaztea identifikatu zuten.
Horrez gain, gezurrezkoa zen eraso-fusil bat konfiskatu zuten udaltzainek.
Gainerakoan, aparteko arazorik gabe joan zen Halloween gaua.