Ikurrinari omenaldia Gasteizen, lehenengoz jaso zutenetik 40 urte betetzean

Blusa beteranoek eta Gasteizko Udaleko antzinako eta egungo zinegotziek, Gorka Urtaran alkatea buru zutela, ikurrina omendu dute gaur udaletxeko balkoian, lehen aldiz bertan jarri zutenetik 40 urte bete diren egunean.

1977an Udaleko kide ziren ordezkari gisa acudido Jose Vidal Sucunza eta Celestino Gonzalez izan dira. Blusen aldetik, Jose Ignacio Arcek, Iñaki Herrerak eta Pedro Lopez de Abetxukok parte hartu dute omenaldian.

Ikurrina 9:00etan jaso dute, Bluen eta Nesken eguneko dianarekin batera.

Gorka Urtaran alkateak adierazi duenez, gaurko ekitaldiak ikurrina omentzeaz gain, bereziki omendu nahi ditu ikurrinaren 'ofizialtasuna' aldarrikatu zuten pertsonak.

"Horrekin batera gure kulturaren, hizkuntzaren ofizialtasuna aldarrikatu zuten, baita etorkizun hobeago bat ere, bakean eta askatasunean", azaldu du alkateak.

Bere aldetik, Celestino Gonzalezek gogoratu du ez zela erreza izan duela 40 urte ikurrina jasotzea, baina, azpimarratu duenez, diktaduraren urteen ostean "kortsetik ateratzea" lortu zen.

Jose Vidal Sucunza pozik agertu da gaurko ekitaldian "normaltasunez" egin daitekeela ikustean. Nabarmendu nahi izan du duela 40 urte egindako jasoeraren ostean egiaztatu ahal izan dela jasoera hura "adiskidetasunare, bakearen, errespetuaren eta tolerantziaren ikur izan zela, eta oxala horrela izango balitz beti!".

Ekitaldira gonbidatuta egon diren hiru blusa beteranoek "emozioz beteta" gogoratu dute 1977ko ikurrinaren jasoeraren inguruan egon zen "ziurgabetasuna". Urte hartan "plaza gaur baino askoz beteago egon zen".

1977ko urtarrilaren 19an ikurrinaren erabilera legeztatu zen. Urte horretan bertan, Santiago eguna ospatu baino egun batzuk lehenago, blusek Gasteizko udaletxean eta udaleko beste zenbait eraikinetan ikurrina jaso zedila eskatu zuten. Eskaera bera egin zioten 14 alderdik Alfredo Marco Tabar orduko alkateari.

Egun batzuk geroago, udalbatzak aho batez onartu zuen eskaria, eta duela 40 urteko uztailaren 25eko 9:00etan altxatu igo zuten ikurriña, Blusen egunaren ospakizunen barruan.