Metro Bilbao
Metro Bilbaok ohiko maiztasunak izango ditu irailaren 3tik aurrera
EiTB.EUS
Halere, irailean zerbitzua mantenduko du ostiral gau guztietan; hau da, hilaren 7an, 14an, 21ean eta 28an.
Behin abuztua amaituta, Metro Bilbaok atzean utziko du datorren astelehenean, irailaren 3an, udako ordutegia, eta ohiko maiztasunak berreskuratuko ditu. Halere, irailean zerbitzua mantenduko du ostiral gau guztietan; hau da, hilaren 7an, 14an, 21ean eta 28an. Egun horietan, ekainetik izan diren maiztasun berberak izango dituzte metroek, Metro Bilbaoko iturriek eitb.eus-i jakitera eman diotenez.
Metroa Kabiezesko geltokian hartzen dutenek 05:56ean izango dute San Ignaziorako lehen zerbitzua, eta 3 eta 7 minutu arteko maiztasuna izango du 07:30etik aurrera. Plentziatik San Ignaziora joateko lehenengo metroa 06:00etan irtengo da, eta 20 minutuan behin izango da zerbitzua, egun osoan. Zazpikaleak geltokian, 06:06an izango da lehen zerbitzua San Ignaziora bidean, eta 06:11n, Basaurirantz.
Irailean, uda osoan bezala, zerbitzua gau osoan izanda, herritarrek herriko eta auzoko jaiez erosotasunez gozatzea du helburu Metro Bilbaok.