Ezkaba auzoko etxebizitza bateko lagunak irtenarazi dituzte, sutea piztu ondoren

Agentziak | Erredakzioa

Publikatuta: 2019/02/06 10:02 (UTC+1) Azken eguneratzea: 2020/06/10 07:15 (UTC+2)

Sutea sukalde batean piztu da, eta suhiltzaileek sua itzalitakoan, etxera itzultzeko baimena eman diete kaltetutako familiei.

Iruñeko Ezkaba auzoko etxebizitza bloke bateko familiak etxetik irtenarazi dituzte, sukalde batean sutea piztu ondoren, Foruzaingoak asteazken honetan jakinarazi duenez.

Suhiltzaileek sua itzalitakoan, etxera itzultzeko baimena eman diete kaltetutako familiei.

Bestalde, Nafarroa etorbidetik zihoan ibilgailu batek kalte ugari jasan ditu ustekabean piztutako sute baten ondorioz. Ibilgailuan 54 eta 55 urteko senar-emazteak zihoazen, baina onik atera dira.