Apirilak 11
Trafiko aldaketak izango dira gaur Bilbon, Korrika dela eta
AGENTZIAK | ERREDAKZIOA
Aldaketa garrantzitsuenak 11:45 eta 16:20 bitartean egingo dituzte. Zorrotzatik sartuko da lasterketa Bilbora, eta Elorrietatik aterako da, arratsaldean, Erandiorako bidea hartuta.
20. Korrika, Bilbon. ETBren bideo batetik ateratako irudia
Gaur, ostegunarekin, trafiko aldaketak izango dira, Korrika dela eta. Tarteka garraio publikoari ere eragingo dio euskararen aldeko lasterketak Bilbotik egingo duen ibilbideak.
Aldaketa garrantzitsuenak 11:45 eta 16:20 bitartean egingo dituzte. Zorrotzatik sartuko da lasterketa Bilbora, eta Elorrietatik aterako da, arratsaldean, Erandiorako bidea hartuta. Aurretik, baina, Bizkaiko hiriburuko auzo guztietatik pasatuko da.
Hauxe izango da Korrikaren ibilbidea Bilbon:
- 11:48 Zorrotza
- 12:39 Errekalde
- 12:48 Irala-Miribilla
- 13:05 Alde Zaharra-Abusu
- 13:35 Bolueta-Txurdinaga-Otxarkoaga-Txurdinaga
- 14:00 Santutxu-Begoña-Uribarri
- 14:36 Zazpikaleak
- 14:52 Abando-Indautxu
- 15:52 Deustu-Ibarrekolanda-San Ignacio-Elorrieta