Programazio berezia
Hauteskunde gaueko saio berezia, Euskadi Irratian
B.F.
EiTB
Euskadi Irratiak eta Radio Euskadik 19:45etik aurrera abiatuko dituzte hauteskunde gaueko saio bereziak.
Espainiako hauteskunde orokorrak direla eta, EiTB taldeko irratiek programazio berezia prestatu dute ekainaren 26ko gauerako. Iluntzean hasita, kazetari, soziologo eta politikariekin egingo dute hauteskundeetako emaitzen balorazioa.
Euskadi Irratian, Oihane Yustos izango da 19:45ean hasiko den saio bereziaren gidaria. Berarekin batera, solasaldi mahaiaren inguruan, Josu Amezaga EHUko irakaslea, Mikel Aramendi analista eta Joseba Arruti kazetaria bilduko dira, emaitzak irten ahala eta hautagaiek hitz egin ahala analisia egiteko. Iluntzeko 20:00etan puntuan, hauteslekuak itxiko diren momentuan, EiTBrentzat egindako inkestaren datuak eskainiko dituzte.
Zuzeneko 10 puntutan kazetariak izango dituzte Radio Euskadik eta Euskadi Irratiak, alderdien egoitzetan gertatzen dena entzuleei zuzenean kontatzeko.
an kontatzeko.an kontatzeko.