Hauteskundeak Euskadi Irratian
Hauteskundeen jarraipen zabala, Euskadi Irratian
Euskadi Irratia
EiTB
Hauteskunde gauean saio berezia izango da, eta biharamuneko 'Faktoria'n eta 'Mezularia'n ere hauteskundeek utzitakoak aztertuko dituzte.
Hauteskunde mahaiak ixteko ordu laurden falta dela, 19:45ean, hasiko da hauteskunde gaueko saio berezia, Oihane Yustosek gidatuta.
Gizaker etxeak hauteskundeen atariko egindako EITB 24/25 inkesta berritzailearen emaitzak jakinaraziko dituzte une horretan bertan, eta hauteskunde mahaiak itxi bezain pronto, kontaketa zehatza, analisia eta alderdi politikoen egoitzetan sortzen diren erreakzioen berri emango du Euskadi Irratiko lantalde zabalak.
Biharamunean, emaitzen analisi pausatua eta protagonisten iritziak jasotzeko eguna izango da. Maite Artolak 'Faktoria' berezia gidatuko du, eta Ainhoa Etxebestek, 'Mezularia' monografikoa.
> monografikoa.> monografikoa.