"Udan Blai!"
"Udan Blai!" saioak Euskadi Irratiko eguerdiak uda giroz bustiko ditu
L.U.
eitb.com
Giro eta umore ona hizpide dituen saioa da "Udan Blai!" eta entzuleak protagonista dituena gainera. Uztailean, Ainara Ortizek aurkeztuko du irratsaioa eta, abuztuan, Itziar Arangurenek.
Eguerdiko 12:00etatik aurrera, hondartzen informazioaz gain herri eta hirietako jaien jarraipena egingo dute saioan. Baina hau dena gutxi balitz, pertsonaje ezagunekin ere zita egingo dute, haien udako oroitzapenak gogora ekartzeko.
Baina entzuleak ere saioaren parte garrantzitsua izango dira, haien abestirik gustukoenak gomendatzeko aukera izango baitute. Oporren beharrik ez dute izango entzuleek, opor giroz bustitzeko, eta sari zoragarriak irabazteko aukera ere izango dute.