Igandean
Bizikletaz dator 'Zubiak' saioa asteburuan
ERREDAKZIOA | G.U.
Igandean, 15:00etatik 16:00etara, Artzen Letona eta Alaia Martin bizikleta gainean iritsiko dira, baita Euskalerria irratiko Saioa Alkaiza ere.
Zubiak ogi bizikleta
Igande honetako 'Zubiak' saioak bizikletak izango ditu ardatz. France Bleu Pays Basque Iparraldeko irrati kateak eta Euskadi Irratiak elkarlanean egiten duten saioan, Artzen Letona eta Alaia Martin gidariak eta Euskalerria irratiko Saioa Alkaiza kolaboratzailea bizikleta gainean etorriko zaizkigu, 15:00etatik 16:00etara.
IrriSarri Landeko biziketa ibilbideetan barrena ibiliko gara Saioarekin Igantzin. Gainera, Artzenek ogia bizikletaz banatuko du Hendaian Marko Brissierrekin. Mikel Gangoiti arrasatearrak mundua den gurpila nola bisitatu duen kontatuko digu, eta Alaiak egurrezko bizikletez hitz egingo digu Zeraingo Axalko enpresako Aitzol Telleriarekin.
Euskadi-Nafarroa-Akitania erakundearen diru-laguntzari esker zabaltzen dugu irrati-uhinetan 'Zubiak' saioa igande arratsaldero.