Igandean
Berritu egingo dugu 'Zubiak' saioa asteburuan
ERREDAKZIOA | G.U.
Igandean, 15:00etatik 16:00etara, Artzen Letona eta Alaia Martin gidariek eta Saioa Alkaiza kolaboratzaileak 'berria' hitzaren bueltan soatuko dute saioa.
Igande honetako 'Zubiak' saioa 'berria' hitzaren bueltan ibiliko da. 15:00etatik 16:00etara, Artzen Letona eta Alaia Martin gidariek eta Euskalerria irratiko Saioa Alkaiza kolaboratzaileak amua izango dute amu, France Bleu Pays Basque Iparraldeko irrati kateak eta Euskadi Irratiak elkarlanean egiten duten saioan.
Programako gonbidatu nagusia Ainara Lasa izango da. Berria egunkarian dabil lanean azken urteetan publizitate kontuetan, eta horrez gain, sormen lan berritzaileak egindakoa da eta beti dabil gehiago egiteko zer suma: (H)ariketak, Falta (ez) diren gauzak, tailerrak... Saioa Alkaizak berriemaile ezberdinak batu ditu euren lanaz hitz egiteko, Artzenek altzariak berriztatzen dituen langile batekin egin du hitzordua eta Alaia Olaberriako alkatearekin elkartuko da, Gipuzkoako herri zahartuena baita Olaberria.
Euskadi-Nafarroa-Akitania erakundearen diru-laguntzari esker zabaltzen dugu irrati-uhinetan 'Zubiak' saioa igande arratsaldero.