Igandean
Harrizkoa izango da asteburu honetako 'Zubiak' saioa
ERREDAKZIOA | G.U.
Igandean, 15:00etatik 16:00etara, Artzen Letona eta Alaia Martin gidariek eta Saioa Alkaiza kolaboratzaileak harriaren bueltan osatuko dute saioa.
Feliz Mugurutza, Arabako Luiaondoko Otazun
Igande honetako 'Zubiak' saioa harrizkoa izango da. 15:00etatik 16:00etara, Artzen Letona eta Alaia Martin gidariak eta Euskalerria Irratiko Saioa Alkaiza kolaboratzailea harriaz arituko dira, France Bleu Pays Basque Iparraldeko irrati kateak eta Euskadi Irratiak elkarlanean egiten duten saioan.
Hasteko, Arabako Luiaondoko Otazun Felix Mugurutzarekin igoko gara Nerbioi gaineko zubirik zaharrenaren gainean. Bestalde, Txema Hernandez geologo eta Cristina Enea Fundazioko arduradunaren ahotik harri motez hitz egingo dugu, eta bera izango da gonbidatu nagusia. Gainera, Leitzan Iñaki Perurenarekin elkartuko da Saioa, eta Mixel Urrikariet lur neurtzailearekin hitz egingo du Artzenek.
Euskadi-Nafarroa-Akitania erakundearen diru-laguntzari esker zabaltzen dugu irrati-uhinetan 'Zubiak' saioa igande arratsaldero.