Umorea bizirauteko era bat da

''Umorea, bizirauteko era bat da''. Isabel Franc-ek esan du. Alicia en un mundo real komikia egin duen Isabelek. Minbizia gainditu ondoren bere esperientziaz, eta beste askorenaz, umorez komikia egin duen Isabelena. ''Umorerik gabe ezinezkoa da mundu honetan bizitzea'', esan du. ''Jarri telebista, irten kalera, segituan jabetuko zarete jasanezina dela''. Horregatik, ezin dut ulertu, umorez hitz egindakoan zergatik utzi behar dioten istorioek serio izateari.
Begira, gauzak umorez hartzea, kafeari azukrea botatzea bezala da. Kafeak, kafea izaten jarraitzen du. Baina gozoagoa. ''Arratsean'', kafea beti azukreaz, Euskadi Irratian.